CONDICIÓNS XERAIS DE CONTRATACIÓN
REFRIXERACIÓN DE RIVEIRA S.L.
1. Ámbito de aplicación
As presentes condicións xerais de contratación aplicaranse a calquera contrato que se realice entre a empresa REFRIXERACIÓN DE RIVEIRA S.L. (en diante “a Empresa”), dentro da súa actividade (instalación e reparación de sistemas de frío industrial e climatización), e calquera outra empresa que contrate con ela (en diante “Cliente”, “Provedor” ou “Subcontratista”), salvo acordo escrito en contrario.
Só poderán modificarse mediante acordo escrito entre as partes. En ningún caso serán de aplicación as condicións xerais do cliente, provedor ou subcontratista que entren en conflito ou contradigan as presentes, mesmo que a Empresa as coñeza. A modificación destas condicións non afectará aos contratos xa perfeccionados. Atópanse dispoñibles nas oficinas da empresa en C/ Deán Pequeno 113, Riveira (A Coruña), na URL www.climafrio.gal e no Rexistro de Bens Mobles da Coruña.
2. Condicións de venda / alugueiro
2.1 Orzamento
O CLIENTE ten dereito a un orzamento por escrito e detallado con validez de 90 días. Se despois de recibilo decide non realizar os traballos, deberá aboar as horas empregadas e os gastos ocasionados. Se encarga directamente o traballo, enténdese que renuncia ao orzamento. A aceptación poderá realizarse por sinatura, correo electrónico, fax ou teléfono. Non se iniciará o traballo sen o pago do anticipo solicitado.
2.2 Prazo e lugar de entrega
O prazo será o pactado no contrato. Serán responsabilidade do cliente: accesibilidade ao lugar, subministración eléctrica, auga, medios de carga e descarga, liberdade de movemento do persoal, etc. O prazo poderá ampliarse en caso de incumprimento de requisitos, datos incorrectos ou causas alleas á empresa.
2.3 Prezo
Os prezos son netos e non inclúen impostos salvo pacto escrito. Expresaranse na moeda acordada e aplicaranse segundo as condicións pactadas ou os Incoterms correspondentes.
2.4 Forma de pago
O pagamento realizarase ao contado salvo pacto escrito. Se se pacta un aprazamento, os atrasos devengarán xuros legais. A empresa poderá esixir garantías antes de continuar cos servizos.
2.5 Xuros e indemnización por custos
O CLIENTE pagará xuros de demora conforme á Lei 15/2010 e poderá reclamárselle o custo do cobro.
2.6 Aceptación
O documento de entrega deberá asinarse polo cliente ou persoa autorizada. Na súa ausencia, a sinatura doutra persoa identificada no lugar será válida. A empresa poderá cobrar almacenamento dos produtos. Nos alugueiros, o arrendatario recibe o material en bo estado e debe devolvelo igual, sendo responsable de danos ou neglixencias. O material é propiedade do arrendador e non pode subarrendarse. En caso de perda ou roubo, facturarase como venda a prezo de mercado.
2.7 Garantía
A empresa adhírese á garantía do fabricante ou á esixida pola lei. Quedan excluídas as deficiencias por desgaste, mal mantemento ou causas externas. A garantía aplicarase só se o pagamento está ao día e se demostra o defecto mediante control interno.
2.8 Seguros
O risco pasa ao cliente unha vez entregado o obxecto do contrato.
2.9 Incumprimento do cliente
Ante incumprimento ou concurso do CLIENTE, a empresa poderá rescindir o contrato ou suspender a execución sen responsabilidade. Todos os pagamentos pendentes serán esixibles de inmediato.
2.10 Reserva de dominio
A empresa conservará a propiedade do material ata o pagamento completo, podendo retiralo en caso de incumprimento.
2.11 Compensación
A empresa poderá compensar débedas mutuas co cliente ou co seu grupo empresarial.
3. Condicións de compra
O provedor comprométese a cumprir o acordado no pedido, a normativa vixente e os requisitos legais (laborais, fiscais, ambientais, PRL, etc.). Garante que os produtos son da súa propiedade, de calidade e sen cargas. Deberá reparar ou substituír defectos durante o período de garantía e asumir os custos derivados do incumprimento. Ningún pedido será válido sen a sinatura do xerente ou director de compras de REFRIXERACIÓN DE RIVEIRA S.L.
4. Obrigas das subcontratas
As subcontratas deben aplicar as normas de seguridade, saúde e prevención vixentes (Lei 31/1995 e RD 1627/1997), informar ao seu persoal, usar EPIs, cumprir coa coordinación de actividades empresariais e contar cun seguro de responsabilidade civil. Son responsables dos danos, atrasos ou defectos e deberán adoptar medidas correctoras se se detectan incumprimentos.
5. Forza maior
Enténdese por forza maior calquera causa allea ao control das partes (folgas, incendios, inundacións, etc.). Se impide o cumprimento, a parte afectada deberá notificarlle á outra. A empresa non será responsable polo incumprimento debido a forza maior, pero o cliente deberá pagar os envíos xa realizados.
6. Notificacións
Serán válidas as comunicacións por correo postal, electrónico, teléfono, SMS, fax ou WhatsApp aos datos facilitados polo cliente. Este deberá manter actualizados os seus datos.
7. Confidencialidade e protección de datos
De acordo coa Lei Orgánica 15/1999, os datos persoais do cliente incluiranse no ficheiro CLIENTES da empresa co fin de xestionar a relación contractual. O cliente poderá exercer os seus dereitos de acceso, rectificación, cancelación e oposición comunicándoo por escrito ao Responsable de Protección de Datos. A empresa conservará os datos durante cinco anos despois de finalizar o contrato.
8. Separabilidade
Se algunha cláusula resultase inválida, as demais conservarán a súa validez.
9. Lei aplicable
As condicións rexeranse pola lexislación española.
10. Foro - Cláusula especial de arbitraxe
As partes comprométense a resolver de forma amistosa calquera disputa. Se non é posible, someterán o conflito ao Tribunal da Asociación para o Arbitraxe Mercantil (TAM), conforme ao seu regulamento. As partes sométense expresamente ao ordenamento xurídico español.